రెయిన్‌ వాటర్‌ హార్వెస్టింగ్‌ థీమ్‌ పార్క్‌ను సందర్శించిన మంత్రి కేటీఆర్‌

జలమండలి రెయిన్‌ వాటర్‌ హార్వెస్టింగ్‌ థీమ్‌ పార్క్‌ను మంత్రి కేటీఆర్‌ నేడు సందర్శించారు. విద్యార్థులు, ప్రజల్లో వాటర్‌ హార్వెస్టింగ్‌పై చైతన్యం కలిగించేలా థీమ్‌ పార్క్‌ను జలమండలి రూపొందించింది. థీమ్‌ పార్క్‌లో ఏర్పాటు చేసిన 42 నీటి సంరక్షణ పద్ధతులను మంత్రి పరిశీలించారు. జలమండలి సిబ్బంది ప్రత్యేక యూనిఫామ్‌ జాకెట్‌ను మంత్రి ఆవిష్కరించారు. అదేవిధంగా డబ్ల్యూఏఎల్‌సీకి సంబంధించిన క్షేత్రస్థాయి రిజిస్టర్‌ను ఆవిష్కరించారు. జలమండలి ఆధ్వర్యంలోని పలు ప్రాజెక్టులు, కార్యక్రమాలపై కేటీఆర్‌ సమీక్ష చేపట్టారు. ఈ సందర్భంగా మంత్రి మాట్లాడుతూ.. వాటర్‌ హార్వెస్టింగ్‌ కార్యక్రమాన్ని పెద్ద ఎత్తున చేపట్టేందుకు తగిన కార్యక్రమాలు చేపట్టాలన్నారు. ప్రజల్లో వర్షాకాలానికి ముందే నీటి సంరక్షణపై చైతన్యం తీసుకురావాలన్నారు.