చేతిలో చేయేసి.. తాజ్‌మ‌హ‌ల్ వీక్షించిన ట్రంప్ జోడి

హైద‌రాబాద్‌: ముంతాజ్ కోసం షాజ‌హాన్ .. తాజ్‌మ‌హ‌ల్ క‌ట్టించాడు. ఆ పాల‌రాతి క‌ట్ట‌డం .. ప్ర‌పంచ అద్భుతం.  ఏడు వింత‌ల్లో ఇదోక‌టి .  ఆ సుంద‌ర ప్ర‌దేశాన్ని ఇవాళ అమెరికా ప్ర‌థ‌మ దంప‌తులు సంద‌ర్శించారు. సూర్యాస్త‌మ‌య వేళ‌.. ట్రంప్ ఫ్యామిలీ ఆ అమోఘ క‌ట్ట‌డాన్ని ప్ర‌త్య‌క్షంగా వీక్షించారు. యూపీలోని ఆగ్రాలో ఉన్న ఆ ముగ్ధ‌మ‌నోహ‌ర ప్రేమ చిహ్నాన్ని.. ట్రంప్‌, మెలానీయాలు ఆస‌క్తిగా తిల‌కించారు.  అహ్మాదాబాద్ నుంచి ఆగ్రా చేరుకున్న ట్రంప్ దంప‌తులు.. ఇవాళ సాయంత్రం 5 గంట‌ల స‌మ‌యంలో తాజ్‌మ‌హ‌ల్ చేరుకున్నారు.  తొలుత సంద‌ర్శ‌కుల పుస్త‌కంలో త‌మ అభిప్రాయాల‌ను రాశారు. తాజ్ లాన్‌లో తిరిగారు.  తాజ్ ముందు ఫోటోల‌కు ఫోజు ఇచ్చారు. గైడ్ వివ‌రించిన సంగ‌త‌ల‌ను క్షుణ్ణంగా అడిగి తెలుసుకున్నారు ట్రంప్ దంప‌తులు.